EDITORYAL

Pagtahi sa Butas na Bulsa

Pauline Calantas, Ang Aplaya

Source by: Google

      Isa sa problema ng Pilipinas ang pag budget ng income na pumapasok sa kanila tuwing araw ng sahod. Ang financial Literacy ay isang gabay o stratehiya na kung paano gamitin ng wasto ang income na natatanggap ng bawat empleyado. Ayon sa nagawang survey ng Worldwide Financial Literacy Index, ang Pilipinas ay ikaw 68 na ranko at nasabi ng Asian Development Bank na ang Pilipinas ay walang pambasang diskarte pag dating sa pinansyal na edukasyon.

     Kadalasan sa mga Pinoy ay puro hirap sa pag babadyet ng pera para sa araw araw na pangangailangan. Kadalasan, nasisira ang badyet plan dahil sa mga hindi inaasahang gastusin kagaya ng mga aksidente bayarin at iba pa.Anong paraan ang gagamitin upang mapanatiling balanse ang paggasta at makatipid sa bawat ipon na gagawa lalo lalo na ngayon na pataas na pataas na ang presyo ng mga bilihin.

     Samakatuwid, totoo namang mas madaling sabihin kaysa gawin ang pagkontrol sa paggastos sapagkat kung ang pinaguusapan ang ay pagiging pratikal sa buhay kahit mahirap gawin ay gagawin na lamang para sa ipon at magamit para sa hinaharap. Pagiging pratikal sa mga panahong ngayon ang ugaling nababagay gamitin sapagkat lalo na ngayon na tumataas na ang mga presyo ng mga bilihin mapa palengke man o grocery store.

     Gayunpaman, ang pagbabadyet ay pagbalanse lamang ng mga gastusin kakabit ng iyong kinikita. Kung hindi magbabalanse ang dalawang ito ay mas malaki ang ginagastos mo kaysa sa kinikita mo at posible magkaroon problema. Sa karagdagan ay tinitiyak na kung may badyet ka ay magkakaroon ka ng sapat para sa mga bagay na kailangan mo at kung may sobra  pagkakataon ka ng maglaan para mabili ang ninanais ng iyong kaligayahan.

     Maging tapat sa ginawang plano sa pagbadyet dahil ikaw din naman ang mahihirapan sa hinaharap kung patuloy mong bawasan ang pera nakalaan para sa ibang bagay na nakabadyet na. Isaayos ang sarili para sa sariling tagumpay sa hinaharap. Subaybayan ang pag unlad ng iyong ginagawa at dito mo rin mahahanap ang sagot kung maganda ang kinalabasan ay pagpapatuloy mo parehong proseso. Kung tutuusin saiyo din naman pupunta ang lahat ng benepisyo ng pagbabadyet mo kung mananatiling tapat ka sa paggasta.

     Tunay na pagbabago ang maidudulot ng programang Financial Literacy dahil masisiguro na maayos ang pamamahala ng pera, hindi lamang sa pamahalaan kundi sa tahanan. Balang araw ang pagbabagong ito ay magdudulot ng kabutihan na puwedeng ipamana sa hinaharap na henerasyon.